اكطاع بين ول وداد ؤميدن ول الشيخ محمدو

ميدن ول الشيخ محمدو
مُــــحَمََّــــــــدْعَبْدَللَّـــهِ وَلْ@@وَدَّادْ أَْخْلاْقُ زَيْــــــنَ وَلْ
فُتُـوََّ نَــــــاكَعْ فِيـــــــــهَ وَلْ@@بَدْعْ اَمْنَ اهْلُ ؤُهَاذَج بِيــهْ
مَعْرُوفْ ؤُطَلْعُ مَــــــــايَمْتَلْ@@مَنْهَ لَََعَادَتْ فَالتَّــوْجِيــــــهْ
تُورَزَيـْــــــــــنَ كِيفْ الْغَزَلْ@@وَالنََّسِيبْ الِّ يَبْدَعْ فِـيــــهْ
زَيْنْ ؤُمَدْحْ اَرْسُولْ امْحَصَّلْ@@يَاسَرْمَنُّ زَيْنْ امْنَكِّيـــــــهْ
ؤُبَلْجِنَاسْ اغْنــَــــــاهْ امْحَفََّلْ@@وِيرَوْسِيهْ ؤُزَيْنْ اتْرَوْسِيـهْ
وَمَّــــانَ بـَـــاطلْ هُوََّكـَـــاعْ@@نَبْغِيـــهْ ؤُلَغْـنَ ذَاكْ الْفِيــهْ
كَطْ ابْدَعْ نَبْغِيــــهْ ؤُلَكْطـَـاعْ@@زَادْامْعَـاهْ امَّلِّ نَبْغِيـــــــهْ
فاجاب محمد عبدلله
مَدَّنْ وَلْ الشَّيخْ الْمَنـََّـــــــانْ@@وَسَاهْ اَمْنْ اعْيَانْ الْفُتْيـَــانْ
وِفَكُو مَنْ بَاسْ الْمُعْيــَـــــانْ@@مَتْكَايَسْ وَادِيبْ ؤُ نَبِيـــــهْ
وَمَعَنُّو نَبِـــــــــــيهْ ؤُ وَزَّانْ@@وَمْعَنُّو كَيِّيسْ ؤُ عَاطِيــــهْ
مُلاَنَ عَنُّو مَنْ لَعْيـــَـــــــانْ@@وَاسَ ذَ كَامَلْ زَينْ اَعْلِيــهْ
وَالِّ هُوَّ لّكْطَاعْ اَمْنَيـــــــــنْ@@اِشُوفْ انُّو مَافِيهْ اَلْفِيــــــهْ
اَنْعُودْ اَمْعَاهْ اَعْلِيهْ اِلِيــــــــنْ@@اَنْعُــودُ كَومْ أُتُوفْ اَعْلِيــهْ
فاجاب ميدن
مُحَمََّدْ عَبْدَللهِ كَــــــــــــامْ@@امْجَاوَبْنِ بَحْسَنْ لَكْــــــلاَمْ
افْطَلْعَه مَنْ لَبْتيتْ اَلتَّــامْ@@الزَّينْ اَلِّ مَعتُونْ اعْلِيـــــهْ
كَــالْ اَنِّ فِيهَ يَلْكَسَّـــــــَامْ@@ كَييِّسْ ؤُنَبِيهْ اِجَازِِِيــــــــهْ
وَلِّ حَايَزْ فَعْلَ مَقَــــــــامْ@@لَكْيَاسَ هُوََّوَنََّبِيــــــــــــــــهْ
هُوََّوَكْبَرْ فَالسََّنْ الْحَــــاكْ@@لَخْلاََكْ افْلَغْنَ شَايَعْ بِيــــــهْ
هَاذَ مَـــــانِ نَاسِيهْ ؤُذَاكْ@@لَوْخَرْكَــــــامَلْ مَـانِ نَاسيه
فاجاب محمدعبدلله ول وداد
اَسْكِي يَمَدَّنْ مَغَنََّـــــــــاهْ@@اَثْرُو وَاثْْرُو مَكْرَبْ مَعْــنَاهْ
اَلِّ جَايَبْ فَغْنَاهْ اَغْنـَــــاهْ@@اَثْرُو مَعْنَاهْ اَمْبَينْ اَيْدِيــــــهْ
وَغْنَاهْ اَبْهَذَ حَدْ اَعْنـَــــاهْ@@وَاتْرَكْ فَغْنَاهْ اَلِّ خَاطِيـــــهْ
مَعْنَاهَ عَنُّو بَاطْ اَغْنـَـــــاهْ@@وَكْفَاهْ, ؤُ لاَهُ حَصْرْ انكِـيهْ
وَالْكَبْرْ الِّ فَالسََّّـــنْ اَسْمَ@@وَالسََّغْرْ الِّ مَانِ سَامِيــــــهْ
إِيلَ كَسََّمْ ذِيـــــكْ الْكَسْمَ@@تَبْرَاكْ اَلْكَسْمَ تَوفْ اَعْلِيـــهْ